Nonna cafe

النهارده بقي معايا اكله بسيطه اوووووووووووي مبتاخدش تلت ساااعه بجد ووقت ما بتزنق ولا حاجه اجررري عالمطبخ واعملها وعن نفسي جوزي بيعشقهاااا نبتدي علطول المكونات  : نقانق ا و (سوسييس ) للي مش عايش ف السعوديه   ومكرونه وفلفل ومرقه دجاج وملح وفلفل اسمر وبسسسس نقطع السوسيس بالطريقه دي نجيب حله فيها سمنه وحبه زيت نسخنها جامد ونحط  السوسيس  عشان يعمل تشششششششش خمس دقايق يتشوحوا بسيط وبعدين انزل عليها بالفلفل المتقطع شرايح وبعدين المكرونه نيييه يا بنات مش مسلوقه ولا اي حاجه واقلب واشوحهم خمس دقايق واحط عليهم الملح  والفلفل  والمرقايه وخدوا بالكوا بلاش ملح كتير لان في مرقه وبعدين ازودهم ميه بالشكل ده يعني يدوب لحد اخر المكرونه كده واسيبها تغلي كده وبعدين اوطي عليها شويه وكده بعد تقريبا ربع ساعه لما اتشربت و استووت يا بنات والف هناااااا جربوها وادعولي بجد تحففففه وسهله وخفيفه اووي وتشبع شوفتوا تحسوا انها مليانه صوص كده ازااي يممممممممي ونسيت اقولكوا ان لو اتعملم بالسجق المصررري لو متوفر هتبقي برضو تحفففففففه ويمكن احلي وادعولي بالزريه الصالحه انا وكل مشتاقه لل...

تعالو شوفو وصفتي النهاردة يارب تعجبكو وردات البانيه  مع المكرونة جبت  البانية  وقطعته شرايح والتتبيلة كانت توم مفروم وزعتر ومعلقة مستردة وملح وفلفل ولمون قلبتهم بالبانية ودي فكرة لفها صورت قبل ما اتبل كنت بجرب بعد ما لفتها مسكتها بعود الزعتر هي ما فكتش من غير عيدان بس برده التجارب ما تمنعش يعني لو هتعمليها اخر  الوردة  لفيها لتحت ولما تنزل بالطاسة مش هتفك معاكي باذن الله في طاسة بشوية زيت زيتون نزلت  بوردات البانية  اتشوحت شوية وغطيت عليها 10 دقايق علي نار هادية وبعد كدة نزلت بنص كوباية كريمة لباني تقلبتين وقفلت النار وعملت مكرونة وقدمتها كدة كدة موضوعي واختراعي خلص يارب يكون نال اعجابكو واتمني تجربوه

هاتى بصلتين وقطعيهم صغير وعاهم ارن فلفل حامى لو بتحبيه وبار على حسب رغبتك تشوحيهم فى معلقتين زيت دره او سمن حسب استعمالك بعد ما تدبل البصله تكونى غسله الفراخ كويس جدا ومقطعها على حسب رغبتك انا عملت صدور انزلى بيها على البصل هاتى كيلو بطاطس وقشريها واغسليها وقطعيها طرنشات وشيلى الفراخ وحط البطاطس وشوحيها شويه مع البصل بعد ما شوحتى الفراخ وشلتيها وشوحتى البصل رجعى الفراخ على البطاطس والبصل وهاتى كيلو طماطم واعصريه وتلات فصوص توم حطيهم فى الخلاط مع الطماطم مع ملح وفلفل وكمون وبهارات ورشه جنزبيل وشطه وانزلى بالعصير الطماطم على البطاطس بالفراخ ودخليها الفرن على درجه حراره 180 وخرجيها بعد السوى وبالف هنا اتمنى انها تعجبكم 

المقاديييييييييييير: 1\2 كيلو لحمه كيلو  قلقاس  وياريت تكون واحده بس * بمعنى واحده زنة كيلو* وتكون بنتوئات او تقولى للبياع قلقاس نتايه علشان تستوى اسرع 2 حزمة سلق و2 حزمة كسبره خضرا عدد 4 فصاص توم مفري ومعاه ملح وشطه وكسبره ناشفه   بصله صغيره ومبشوره 5 كوب شوربه عصير نصف ليمونه 1\2ملعقة فلفل اسود او ابيض 4 ملاعق كبيره سمن بلدى 2ملعقة سمن نباتى و2 ملعقه زيت الطريقه: نقطع  اللحم  مكعبات صغيره جدا ثم نضع عليه بصله مبشوره ونصف ملعقة الفلفل الأسود او الفلفل الأبيض ثم نضعها فى الثلاجه لمدة ساعتين  ثم نقشر  القلقاس  ثم نقطع القلقاس مكعبات صغيره ونضعه فى طبق به ماء مغلى نقطع ورق  السلق  وورق البقدونس ونضعه فى دورق الخلاط ومعه 2كوب ماء وامزجهم مع بعض اصفى ورق السلق والكسبره بالمصفا على الشوربه احضر اللحم من الثلاجه واشوحها فى طاسه بها 2ملعقه سمن نباتى ثم اركنها على جنب تشوح لمدة4 دقاق مع التقليب المستمر حتى لاتفقد اللحمه الميا الموجوده فيها وتنشف اصفى  القلقاس  من الميا المغليه بعد ساعه مثلا فى مصفاه واغسله بميا سخنه وبعدين اعمله م...

اللهم صلى وسلم على نبينا وحبينا وشفيعنا سيدنا محمد وعلى اله وصحبه وسلم ازيكم يااحلى صحبة واجمل بنوتات هنعمل  مكرونة  جميلة ولذيذة وسهلة كل اللى عنده ارض فى الطريق الصحراوى يعرفها اكيد انا جوزى وولادى كانو بيكلوها هناك عند الشحات مكرونة ومرتاح وصافى مشهورين جدا هناك انا اتعلمتها وبعملها على طول لانها سهلة ولذيذة نشوف صورة وبعدين نتكلم   انتى هتحتاجى حاجات بسيطة جد للاكلة دى لحمة ضانى مسلوقة مكرونة ويفضل اسباجيتى صلصة فلفل اسود وعيدان قرفة وحبهان وطبعا بهارات لحمة اولا تسلقى اللحمة الضانى مع حبهان وورق لورا وبصلة لحد تمام السوا وتكونى ظبطى ملحها وبهارتها ثانيا نسلق المكرونة نص سلق عشان ننزل منها النشا بتاعها انا شخصيا بحب اخليها على طولها لاكن يفضل انها تتقسم اتنين لانها هتكون فى صوص كتير ودة اللذيذ فى الموضوع ونصفى المكرونة ونغسلها ونجهز شوربتنا باللحمة نضيف لها الصلصة والفلفل الاسود وعيدان القرفة وبهارات اللحمة وبعدين نزل فيها المكرونة ونقلب ونتركها 10 دقايق تكمل سواها وتتشرب من الصوص شايفين بتبقى فى صوص كتير ازاى وخدى بالك لازم تكونى شايلة شوية شوربة على جنب لانها هيفضل...