خافو يطلعوها لاجيبها من شعرها هههههههههههه
تعالو الاول نصلي ع الحبيب ..صلي الله عليه وسلم وكمان نستغفر للمسلمين والمسلمات الاحياء منهم والاموات
الحكايه اني باختصار كانت ليه حواله ف مكتب البريد الدنيا كانت زحمه قلت اتمشي كده كام خطوه لحد الدنيا ما تهدي
وانا ماشيه لقيت ست غلبانه جدا شدني انها عماله تدعي وتتحايل علي حد
فوقفت اشوف مين دي اللي الست بتدعيلها كده وبتتحايل عليها
ليقتها موظفه بتقبضهم فلوس من الشئون الاجتماعيه ..وان الستات دول ارامل او مطلقات او اصحاب عجز كده يعني
ومعظمهم ستات عواجيز مرضي يصعبو علي اي حد
الموظفه بقي الست عماله تتحايل عليها ودي عماله تشخط وتزعقلهم بطريقه استفزتني جدا
وتقولهم اللي مش عاجبه يروح
روحت بقي قلتلها هما بيقبضو من عزبه السيد الوالدقالتلي نعم
وبرقتلي عنيها وكرمشت حواجبها علي اساس اني هتراجع عن اقواليبس انا ابدا فضلت ثابته علي اقولي وعدت الجمله تاني ..هي بتقبض من عزبه السيد الوالد
بمنتهي البرود ههههههههههههه راحت قالتلي طيب
هاا وراحت قافله الشباكالست ياعيني قالتلي عاجبك كده اهي مش هتقبضنا
قلتلها استني هنا ياحاجه ومتخافيشاختكم بقي الدم غلي ف عروقها وحست ان الدنيا ضلمت اذ فجاه
وروحت رايحه لمكتب المدير طبعا هما قافلينه مبيدخلوش حد خالص خبطت ع الباب جامد طلع واحد قلتله عايزه اقابل المدير
قالي لاء ممنوع رحت مزعقه وصوتي علي وقلتله انا مش همشي من هنا غير لما اقابله وروحت فاتحه الباب وداخله
مش باب المدير لاء الباب الرئيسي لقيت نفسي ف صاله كبيره قعدت اقول انا عايزه المدير دلوقتي حالا
جه المدير حكيتله علي اللي حصل وقلتله انا عايزه الموظفه دي تجيلي هنا
والله لاعمل فيها شكوي ازاي تعامل الناس كده وازاي تقفل الشباك ف وش الناس
طبعا هي استخبت ومرضيتش تطلعلي وانا الا هاتوهالي هنا
طيب كنت عايزاها ليه ولا اعرف
قالي معلش والله دي اول مره اقعدها تقبض الناس بس زمايلها كلهم مشغولين ودي اخر مره تقعد تصرف للناس
قلتله الشباك يتفتح والناس تبقض قالي والله الشباك اتفتح اهو تعالي شوفي
اسمك ايه بقي علشان نصرفلك الفلوس ههههههههههههههههههههه يالهوي اسمي ايه بقي
لو قلتله اللي فيها هيقولي وانتي محموقه اوي كده ليه وانتي مالك
قلتله بعدين بقي ومشيت وعدت علي خير والحمدلله
عايزه اقولكم محدش يشوف الظلم بعينه ويسكت عليه ويقول وانا مالي
والله هييجي يوم تحتاجي اللي يقف جنبك ويرفع عنك الظلم ولو بحرف واحد ومش هتلاقي
والله ف عون العبد ما دام العبد ف عون اخيه
ويارب ماحد فيكم يدوق ولايشوف الظلم ابدا ولا يتحط ف موقف يحكم عليكي فيه ظالم
قولو امييييييييييين
