اصنعي شبشب بيت بيدفي وبنفسك

السلام عليكم يا فتوكات.
.وحشتونى اوى اوى اوى
انا جايبالكم النهاردة مفاجأة جديدة وهيا (الببش الجديـــــــــــد)  


لو عجبكم شكله انزلوا تحت عشان تشوفوا الخطوات بالتفصيل الرخم
.
.الادوات:كتافات _خيط صوف لونين وابرة كروشيه_ورق فوم تخين اى لون_قطعة قماش قديمة ناعمة_شراب صوف قديم_فايبر كمية بسيطة.
الخطوات بقى:
اولا:
نقطع الفوم على شكل نعل بمقاس القدم زى الصورة ونراعى طبعا ان الشمال مش زى اليمين لان الاتنين مفروض متقابلين لجوة


ثانيا:
نغلف الفوم بقطعة قماش ناعمة بحيث ما تكلكعش ويفضل النعل محتفظ بالاستواء النسبي

ثالثا:
نجيب الشراب الصوف القديم ونحشيه بالفايبر حشو بسيط وبرضه نحافظ على استواء الحشو ونقفل الشراب


رابعا:
نخيط الشراب في النعل من الاطراف 


خامسا:
نجيب ابرة الكروشيه ونشتغل اى غرزة نعرفها باستخدام خيطين بلونين متناسقين وانا اخترت السكري والبيج لانى حسيت انهم ألوان شتوية وهادية وكنت حريصة اعملها نصف كرة مقوسة

سادسا:
نثبت الكتافات في باطن القطعة المقوسة اللى عملناها بالكروشيه


سابعا:
نخيط وش الشبشب في النعل وفي النهاية نشتغل شريط كروشية ونخيطه على حروف النعل داير ما يدور


أتمنى يكون عجبكم وما اكونش زهقتكم بالخطوات واسيبكم مع باقي الصور وماتنسوش التقييم 

.
.

.
.

.
.