اكله صيينى دجاج كانتون

بسم الله الرحمن الرحيم 
السلام عليكم ورحمة الله وبركاته
.............................
يارب تكونو بخير جميعا
انا النهارده عملت اكله صيينى دجاج كانتون
انا جبت الطريقة من عالنت
وجربتها وطلعت تحفه جداااااااااا الحمد لله
............................
المقادير:
صدر فرخة مقطع مكعبات
دقيق_جزر_بصل_فلفل كبى(رومى)
ملح_فلفل اسود _سكر_بابريكا بودر_نشا
كتشب_صويا صوص_خل
.............................
الطريقة:
نضع دقيق وملح وفلفل اسود والبابريكا مع بعض

ونقلب في الفراخ كويس جدا لحد ما تتغطى تماما زى كده

وبعد كده نقليها فى الزيت لحد ما تبقى كده

ونقطع الخضار جزر وفلفل وبصل
ونحط نص معلقة نشا فى تلت كوب ماء
ونحضر الصوص
طريقة الصوص:
واحد ونص معلقة كبيره كاتشب واحد ونص علقه كبيره صوص
معلقة صغيره خل ونص معلقة صغيره سكر وملح وفلفل اسود
صورة مجمعه للمكونات

بعد كده عالنار نحط حوالى 4 معالق كبار زيت
ونحط فيهم البصل وقبل ما يبدأ يدبل
نحط الجزر والفلفل ونقلب
وبعد كده نحط الفراخ ونقلب

وبعد كده الصوص

وبعد كده نحط كوب ماء او كوب ونص
ونحط النشا اللى فى تلت كوب الماء

ونقلب فيهم لمده تقريبا 10 دقائق او 15
وممكن تحتاج ملح تانى
ودى صورتهم لم قربو يستوا

وبعد كده بعمل الرز
عملت رز بالقرفه
نقطع بصل
ونشوحه بزيت ومعلقه صغيره سمنه
واكيد عليه ملح
بعد ما لونه يتغير
نحط فلفل كبى مقطع
وقرفه وكزبره ناشفه وفلفل اسود

وبعدين نحط الرز ونقلبهم كتير مع بعض
ونستنى لم يبقى كده

ونحط عليه الميه لحد ما يستوى
......................................
بعد ما الاكل جهز
صوره اقرب للفراخ
ها ايه رايكو