وصفة للشعر الهايش
السلام عليكم
جايبلكم النهارده تجربتى الخاصه مع الشعر الهايش
طبعا كتير مننا هيتجننو من الشعلر الهايش انا كنت واحده منكم لحد اسبوعين والهى اسبوعين بس كنت قبل كدا اغسله وينشف الاقى ايه كنيش افندى 
انا بقى هاقولكم على وصفه سحريه
بصى ياستى هاتى كوب زبادى وربيها كويس وحطى عليها معلقتين زيت اللوز انا بستخدم زيت اللوز الحلو بس واشتغلى ياكتكوته دلكى بيه فروه الشعلر كويس وحطيه زى الحنه كدا والبسى كيس بلاستيك ونصيحه البسى فوقيه ايشارب علشان بس الناس الى فى البيت ملهمش ذنب
وتسيبيه ساعتين تلاته وبعد كدا تغسليه بالشامبو وتلفيه طقيه لحد ما ينشف وابقى امسكى نفسك من الفرح بقى هتلاقى حرير
انا بعملها ثلاث مرات بالاسبوع ومش مصدقه عينى تخيلو بقيت انام بشعرى سايب واصحى الاقيه زى ما هو
امانه عليكم لاتنسو الدعاء لى بالذريه الصالحه
اناهاقف على باب الموضوع والى يدخل وينسى الدعاء هازعل منه
