تيجى اعرفك انك ف نعمة وانتى مش عارفة؟؟ مش هتندمى لو جيتى على فكرة

بسم الله والصلاة والسلام على خير خلق الله
سيدنا ونبينا محمد رسول الله
.ازيكو ياشباب
قبل مانبدا صلوا على النبى محمد
علية افضل الصلاة والسلام.انا هتكلم معاكم انهاردة ف موضوع
احنا مابنبطلش كلام فية اساسا
هنا ف المنتدى
او مع اصحابنا
او اهلنا
المهم ان الموضوع دة
هو اساس الحياة الزوجية الصحيحة مع ازواجنا ف بيوتنا
هنتكلم عن اية؟؟
ازاى نعيش صح ونتجنب المشاكل
ازاى نحب صح ونعرف نتعامل
ازاى نشكر صح ربنا على نعمة اللى انعمها علينا بالزواج
حتى لو اتخانقنا
نتعلم
ازاى
نتخانق صح وبادب وباحترام وبحب
انا هفهمكم يعنى اية بس
مش عاوزة واحدة تقولى وانتى يعنى هتكونى بتفهمى احسن مننا
وهتقولى اللى احنا مانعرفوش
انا لا هفهم ولا هقول اكتر من اللى تعرفوة
بس انا شوفت وجربت وعيشت
واتعلمت وبتعلم ولسة هتعلم
بس يمكن كلامى دة يفتح دماف واحدة فيكم على حاجات
بتبقى غايبة عننانبدا بالنعمة اللى احنا فيها ومش حاسين ولا مقدرينها ومعندناش غير الشكوى
النعمة دى الزواج والزوج
الراجل اللى معاكى ف البيت وحضنة وايدة ونفسة
هفهمكم
الراجل اللى هو زوجك حبيبك وحضنة اللى وانتى جواة تبقى مالكة الارض واللى عليها
وايدة اللى بتطبطب عليكى ونفسة اللى مدفى قلبك وصوتة لما تسمعية يقولك
سلامتك لو تعبانة
عارفة
لو اتكلمت لبكرة مش هتحسى بالالم اللى ناس غيرك حاسة بية
عشان عايشة من غير زوج من غير سكن من غير الحضن والنفس والنعمة
اللى احنا فيه ومش مقدرينها
كام واحدة غيركم بتنام ودمعتها على خدها معندهاش اللى يمسحها
كام واحدة حضنها فاضى ونفسها ف حضن يضمها
كام واحدة بتجرى على ولادها ولو حدها ونفسها ايد تطبطب عليها وتقولها الله معك
كام واحدة بتبصلك وبتتمنى انها تكون انتى
بس عشان جنبك راجل اللى هو جوزك حبيبك
اللى لما بيعمل غلطة بتتقلب علية الدنيا وكل الخير اللى عملة بننساة
ونفتكر بس هو قال اية وغلط ف اية
وعمل اية ونسيتى ان فية شيطان مستنى ليكم على الشعرة
وتجرى تفضحية وتنشرى مشاكلكم وانتى ماتعرفيش نفوس الناس فيها اية
ولو انتى اجمد شوية تجيبيلة اللى يربية ايوة ويعلمة الادب
لية كدة؟؟
مش دة بيحصل
ودى النصايح اللى بتسمعيها من ناس
واوعىى تسكتيلة وكرامتك واهلك فين؟؟
اهلك ف بيتهم
وانتى ف بيتك
وماتستنيش حد يجى يحللك مشاكلك
ماتستنيش حد يقف اد=ام جوزك عشان يوجهة لاء امال انتى فين

...
عارفة
ومن غير زعل
لو انتى وصلتى لمشاكل وخناق وزعل
ودخلتى الناس واهلك تبقى انتى اللى ست فاشلة
ايوة
وماعرفتيش تعيشى ولا تحافظى على زوجك
حتى لو فية العبر وكل العيوب امال انتى لية انتى تحبى وتحببية فيكى ف بيتك
انتى تحتوية وتصلحى منه وتربية كمان لو الموضوع محتاج كدة بس باللين
تربية بحبك وادبك واحسانك ومعاملتك الطيبة
وتعينية وتعينى نفسك انك تتمتعى بالايام اللى انتو مع بعض فيها
تتمتعى بالنعمة اللى غيرك محروم منها وبيحسدك عليها


هقولك على حاجة احسن
وانتى ماشية مع جوزك ف الشارع انتى مش عارفة طبعا ان دى نعمة اة والله
مايحس بيها غير اللى اتحرمت منها ماتحسش بيها غير واحدة ربنا مااكرمهاش بزواج
ماتحسش بيها غير واحدة جوزها ف اخر بلاد المسلمين بيدور يجيب ليهم واولادهم لقمة العيش
عشان كل واحد فيهم ياكلها لوحدة ف بلد غير البلد متغمسة بالحزن والحسرة والالم
حسى بالنعمة وحافظى عليها
ولو حسيتى باى شكل من الاشكال ان جوزك دة حبيبك وان هو فضل من ربنا عليكى
وانة هو اقرب ليكى من بابا وماما وصاحبتك
ساعتها بس هتعرفى تتعاملى وتتعايشى مع المشاكل اساسا مش هيبقى فية مشاكل

صلوا على النبى تانى

وعشان نعمل كدة
هقسمهالكم لنقط احنا بنعمل منها وعليها مشاكل
مع اننا ممكن نعديها بسهولة ونعيش معاها

اول حاجة


.مفيش حاجة اسمهااغضب
واروح بيت اهلى
واحكى مشاكلى لحد ايا كان الحد دة
لاامى ولاابى ولا اخواتى
لازم نتعود على الخصوصية فى المشاكل قبل السعادة .
يعنى اية؟.

.....يعنى مش عايزين حد يعرف عننا حاجة حلوة ولاوحشةبس هتقولى......هتقولى ساعات بحسانى مخنوقة ومش قادرة استحمل ولازم افضفض
.....
ماشى انا معاكى
بس ساعتها اختارىصديقة امينة وتصدقك النصيحة
وطبعا كلنا عارفين مين من اصدقائنا ممكن تنصح بما يرضىالله ومين لا ء.
...او انسى الدنيا وادخلى المنتدى وفضفضى مع الموجودين فى منهم كتيرجدا
بيراعوا الله فى ابداء النصح وخلى بالك مش كل النصح!!!!!.


.مفيش حاجة اسمها انك تشتكيةلاهلة اويعرفوا اوحتى يشموا خبر
ان فية مشاكل بينك وبين زوجك ودى حاجة مهمة جداجدا.

.هنتفق على حاجة احنا هنعيشمع ازواجنا يعنى هنعيش
وهنعمربيوتنا وهنربى عيالنا ولو ربنا ما رزقناش باطفال
بردة هنعمر بيوتنا
يعنى
هنتحدىنفسنا اننا نخرج احسن حاجة جوانا فى معاملتنا لازواجنا
ومعاملة اهلنا
ومعاملةاهلالازوج
وتربية اولادنا
مش صعب دى سهلة جدا
وحتى لوحاسة ان مفيش حاجة حلوة فىحياتك
هنحاول مع بعض انك توجدى فيها حاجة كويسة.

.لازم نعدى ...الزعل والمشاكل
ونعدى كل حاجة وحشة فى حياتنا
كاننا مش واخدين بالنا انها وحشة
ونقول الحمدللة ان انا اساسا متجوزة ومعاية راجل ساند ضهرى
حتى لو مش ساندضهرك قوى والله بردة ساندك.


,جربتى وانتى غضبانة عند اهلك فىنهاية اليوم اية اللى بيحصل؟؟
كل واحد بياخد حياتة فى حضنة وينام ومين بقة دلوقتىقاعد وعمال يفكر؟؟؟
انتى طبعا
ولوحدك 
ولما يجى يصالحك
كل واحد لة راى وكلمة
وعشان تبقىعارفة اى راجل فى الدنيا مابيحبش حد يفرض علية فرض
لازم يحس برجولتة حتى لو مفتقدهاباى شكل من لاشكال
................
يعنى نقول بمعنى تانى
اغضبى جوة بيتك
ماتسيبيش جوزك يعيش ثانية من غير مايشوفك
يحسك فى البيت
وكمان ماتسيبيهوش عشان يسمع من هناومن هنا
ودة يدى لة راى وفكرة وامة تستفرد بية لوهى بقة مستنيالك على غلطة
يعنى هنفضل فى بيوتنا
حلوين
وحشين
عاجبين
مش عاجبين
هما حلوين اومزعلينا
مهما كانتالظروف وحشة هنقف فى وشها ونقول
.لالالالالالالالالالالالالالالالالالالالا.
,معظمنا لما بيحصل مشكلةتقعد تنكت وتهرى فى نفسها
وساعات جوزها مابيكونش فى دماغة اى حاجة
داخل ع النت ولابيكلم صحابة
وعمال يكركر ولافى دماغة ان فية واحدة اتحرقت مرتين صح ولا انا غلط؟
لاءءءءءءء.
..هنعمل اية ياترى؟احسن حل انك تسكتى اة !!!!

تسكتى
وتاخدى جنب خالص
مش هتقعدى تعيطى وتشحتفى وتعلى صوتك بالعياط يمكن يسمعك وقلبة يحن لاء
؟هتمارسى حياتك عادى خالص
اكل وشرب ولبس ونضافة وتليفزيون
وشوية فتكات وشوية لعب مع
العيال
والله اكتر حاجة تخلى الراجل يفوق


التطنيش.


..............
. انك تاخدى جنب لوحدك ولا تعبرية
هتلاقية لوحدة هواللى بيبدا بالخير والصلح والحاجة الكويسة,

.مش عايزين تانى مشاكل وغضوبات وفضايح لمشاكلناهنعيش يعنى هنعيش بالطولبالعرض هنعيش.طبعا باذن الله
كل واحدة فينا لازم تدور على كل نقاط القوة اللىفيها
كل واحدة لازم تتاكد انها فى احسن وضع ممكن تتمناة
حتى لو مش هى شايفة كدةكل واحدة لازم تبص للحلو فى حياتها قبل الوحش
كل واحدة لازم تفتكر اللحظات الحلوة لجوزها
حتى لو قليلة
بس بردة احسن من غيرةلازم نتاكد ان معظم الرجالةزى بعض ومفيش حد كامل حتى انتى بردة عندك عيوب
....ودة موضوع تانى هنناقشةبعدين....




.....حبى حياتك حلوة
او وحشة
كاملة او ناقصةسعيدة او تعيسة..
...عيشى حياتك
وماتضيعيش وقت فى الزعل والبكاء والمشاكل
خليكى انتىالاقوى
والاعقل
والاكمل
وادى دماغك مساحة اكبر من التفكيروالاستيعاب
وخلى بالك طوييييل على اد ماتقدرى
وباذن الله هنعيش احلى حياة احناعايزين ونتمنى نعيشها.


ماشى
انا معاكى وبتقولى ان ساعات المشاكل
بتبقى غصب عننا
وخاصة لو الفلوس قليلة والعيال بيصرفوا ومفيش فلوس وهو اساسا بخيل
اقولك طب اسمعى لعقلك
يعنى
.مفيش حد على الاقل مننا الفلوس مترميةتحت رجلية
بس اللى انا متاكدة منة ان الست هى كل شى حتى لو مفيش فلوس مقضية ليها
دورها الاساسىنيجى لاول حاجة اسالى نفسك؟؟؟
انا جوزى بخيل ولا لا
لو بخيل ماتعمليشاكتر من المطلوب منك ولا تحملى نفسك فوق طاقتها وعلى اد ما يديكى اعملى بس لازم تكونى عارفة فلوسة رايحة فين
وعلى فكرة لازم
تعرفى ان الستا ت اذكى من الرجالةوبيعرفوا يدبروا احسن
يعنى خليكى وسطية فى كل شئعلى فكرة والدتى ىاللة يخليهاويشفيها بتقولى على طول

لازم يكون عندك رضا

يعنىارضى
واقتنع انى فى احسن واعلى حال
وربنا احن علية وادرى بحالى من اى حد
لازم نرضى
فربنا يبارك فى القليل ويزيد ويكفى
والله عن تجربة كتير زى القليل بس اللى يفهم كدة
وحاولى دايما يبقى فى ايدك ورقة وقلم واكتبى كل حاجة معاية كام والمفروض يكفوا كامويتعمل بيهم اية
وخودى قليل من الحاجة اللى مش ضرورية وحطيها فى الحاجة الضروريةولازم تتعودى تمشى حالك بكتير اوقليل لازم تعرفى واتاكدى ان لو معاكى الف جنية مشمكفيكى تجيبى بيه اكل وشرب ولبس
فية غيرك مش معاة الجنية اللى يجيب بية الدواء اويروح لدكتور
يبقى انتى حتى لوظروفك وحشة اكيد احسن من غيرك مش هاقول مليون مرة لاكفاية الف مرة.


عارفين
انا عاوزة اوصلكم لاية
اوصلكم اننا نكون معتدلين ف حياتنا زى ما النبى علية الصلاة والسلام
قال ان خير الامور اوسطها
انا عاوزاكى
تبقى وسط ف حياتك كلها ومع الناس كلها
وسط ف مشاعرك
وسط ف حكمك على زوجك
والناس من بعدة وسط مع كل العالم
يعنى
.ماتركزيش مع كل اللى حواليكى قوى
ويبقى كل حياتك اللى بتدورى فى فلكة
سواء خطيبك
اوجوزك
او باباكى
اوحماتك
اوحماكى
او اهل زوجك
يعنى
اى حاجة بتجيب مشاكل
مش باقولك تبقى مغيبة
لاء طبعا
بس هتقللى المشاكل كتير لانك لما تركزى قوى هتتعبى قوى 

افهمك اكتر
هنيجى لزوجك
التركيز الزيادة معاة هيخليكى تقعدى تقولى هو زعلان لية
هو مش بيسال فية لية
هو مطنشنى لية
انا غلطت فى اية
هو انهاردة مش عايز يعمل معاية حاجة حلوة لية
هو فية فى دماغة حد
او حاجة هو مبقاش يحبنى ذى الاول
هوانا اقل من الناس
هو انا ممكن اكون مش مالية عينة

وانا عارفة اد اية الستات خيالها خصب
وبتعرف تربط المواضيع مع بعض وفى
نفس الوقت هو بيكون مش فى دماغة حاجة خالص
بس طبعا انتى بينك وبين نفسك هتكونى مصحصحة لكل حاجة
يعنى مش هتركزى قوى فى الحاجات اللى بتجيب مشاكل وزعل وعكننة
ونفس الحكاية خطيبك مش لازم تتلهفى علية وهو يكون كل حاجة عندك صبحك ومساكى وفطارك وغداكى..
ولما يحصل مشكلة تقوم الدنيا وماتقعدش
غير لما نص اللى حوالينا
يعرفوا احنا اية اللى مزعلنا
وكل واحد يتبرع براى وماتعرفيش كل واحد جواة اية ؟؟؟؟؟؟؟.



.عايزة اوصلكم حاجة مهمة

هى اية
ومعلش طولو بالكم علية
. .ان كل واحدة فينا تقدر تضحك على عقل زوجها
اوخطيبها
او حماتها
مش قصدى حاجة وحشة
بس قصدى تلايم امورها
وتمشى نفسها
وتوفر شوية الدم اللى بيتحرقوا على الفاضى عشان تحرقهم فى حاجة مفيدة 


.
.
انا عايزة اوصلكم

ان كل واحدة تماشى الظروف حلوة او وحشة
وتكون بينها وبين نفسها عارفة انها فى احسن حال
وهى احسن من غيرها كتير 

تيجى واحدة تقول انتى بتتكلمى من وجهة نظرك
اقولها لاء احنا لازم نكون اقوياء بالله اولا ثم بمواطن القوة اللى جوة كل واحدة
وخلى بالكم مفيش ست قوية وست ضعيفة لا فية ست ذكية وست غبية
فية ست بتعرف ازاى تماشى امورها وواحدة تانبة تغرق فى نقطة ماية

عشان كدة
باقولكم اجمدوا
واقووا

وعشان تبقوا عارفين
مفيش ست حلوة وست وحشة
فية ست واثقة فى الله ثم فى نفسها واثقة ان ربنا حطها فى احسن صورة
وفىة ست ماعندهاش ثقة فى اى حاجة 

..
انا عايزة نوصل مع بعض لنقطة حلوة قوى
انا باحاول اوصلها
نوصل
ان احنا
نعمل سلام مع نفسنا ونصالحها ونرضيها ونرضى عنها باذن اللة
ساعتها
هنقدر نرضى كل اللى حوالينا
ونتعايش معاهم بذكاء وحكمة
ونرضى نفسنا
ونتمتع بكل حاجة حلوة ونقلب كل حاجة وحشة
ونخليها حلوة

ونقوى نفسنا
ونرضى الاول عن نفسنا عشان نحس بالرضا عن الحياة اللى احنا عايشينها 

بلاش نقعد نضيع العمر فى مشاكل وخناق وزعل
تعالو
نقول بينا وبين نفسنا
الحمد لله على كل نعمة
..........
الحمد لله مش عندى مرض وغيرى بيتقطع
الحمد لله على النعمة اللى انا فيها 


كل ماتلاقى نفسك زعلانة

من الراجل الطيب اللى معاكى دة
استعيذى بالله
وامسكى ورقة وقلة
واكتبى كدة اية حلو واية وحش فية
واوعى اوعى تدى الشيطان فرصة انه يعميكى عن حاجة واحدة حلوة عملهالك
ويبدا يرصلك اد اية الراجل دة وحش.