لكبدة الاسكندراني للشيف محمد حامد بجد طلعت تحففففففففة

ندخل علي المقادير

1/2 كيلو كبدة مقطعة شرائح رفيعة
2معلقة خل -ليمونة
بصلة كبيرة مقطعة جوليان
5فصوص ثوم مفروم
3معالق زيت
معلقة كبيرة طحينة
فلفل اخضر -فلفل الوان- طماطم -ملح -فلفل

ندخل بقي علي الطريقة
دة الكبدة بعد ما قطعناها جوليان


دة المقادير بتاعتي
الفلفل الاخضر والفلفل الالوان بس ملقتش غير احمر بس والبصل وضيفت من عندي حتة من البصل الاخضر بيبقي طعمة حلو اوي في الاكل والثوم
انا مش بحط طماطم عشان بحس انها بتطري اوووي ومش بتبقي حلوة والفلفل الاحمر بيبقي لونة حلو اوووي بيبقي شبه الطماطم



هنا هنتبل الكبدة بالخل والليمون معلش نسيت اصور الخل
واسيبها في التتبيلة 1/4 ساعة



احط طاسة فيها زيت وعليها بصل واول ما يزبل ننزل بالثوم



ثم انزل بالكبدة




السر بقي في معلقة الطحينة دة هيا اللي غيرت طعم الكبدة خالص
خلت الكبدة بجد تحففففففففففة



دة شكلها بعد ما حطيت الطحينة والفلفل الاخضر والالوان



ودة شكلها النهائي
وطعمها والله يجنن



وقدمت معاها سلطة طحينة وسلطة طماطم
اقولكم سر سلطة الطحينة

طحينة +خل+مياة دافية +زبادي +ثوم+ملح+كمون+شطة

مش عايزة اقولكم الزبادي غير طعمها خالص وبقت زي بتاعة المطاعم بالظبط



سر بقي سلطة الطماطم
الذرة الحلوة والفلفل الالوان
بجد غير طعم السلطة خالص
كان جوزي لايمكن ياكل سلطة خضراء خالص بس بعد ما بقيت احط عليها الذرة والفلفل الالوان
بقي لازم كل يوم سلطة خضراء مع الاكل
افضل انواع الذرة الحلوة في مصر امريكانا




يارب يكون الموضوع عجبكم وتجربوة
وانتظروني في اكلة جديدة من اكلات الشيف محمد حامد
والسلام عليكم ورحمة الله وبركاتة