عندك عزومة مفاجا (طب تعالي اعملي اسرع عزومة في 15 دقيقة فقط)
اذا فاجئك ضيوفك واضطررتي لعمل وجبة سريعة ممكن تعملي ايه يكون مشرف وفي نفس الوقت مش محتاج مهارة في الصنع
؟؟؟
ممكن نعمل سمك ...سمك؟؟؟ ايوة سمك
طب ايه المطلوب تحضيره ؟؟
هقولك
انت محتاجة كمية من تالسمك البوري او البلطي علي قد الضيوف طبعا
ومحتاجة جمبري وكبوريا وفلفل اخضر وبذنجان كل ده؟؟ايوة استني بس متستعجليش هتعملي ايه
هتجيبي ثلاثة او اربعة بصلات تفرميهم في دقيقتين في الكبة بتاعتك وتاخدي شوية منهم تحطيهم في حلة علي النار الهادية يتشوحوا للون الذهبي الغامق قليلا في اثناء كده تكوني غسلتي الارز بتاعك
اول ما البصل ياخد لونه تحطي الارز ومقدار الماء المناسب وشوية ملح وشوية كمون وتسيبيهم مع المتابعة كده الارز خلص في خمس دقائق فاضل باقي العزومة
نعمل ايه نجيب السمك لو بوري هنحطه في صنية ومعاه الثوم المفروم والملح والشطة والفلف الاخضر والكمون واليمون وادي صنية السمك خلصت
نروح نجري نجيب حلتين كبار نحط في واحده مقدار قليل من الماء والكمون والبصل المفروم اللي فرمناه قبل كده ناخد منه شوية ونحط معاه شطة ونحط الجمبري مش هياخد الكلام ده كله 3 دقايق وهيستوي في 5 دقايق
في الحلة الثانية تحطي باقي البصل المفروم ومعاه نفس مقادير الجمبري بس من غير ماية ونحط الكابوريا ونوطي النار خالص
ونقلبا من وقت للتاني برضه مش هتاخد في السوا 10 دقايق كده عندي السمك في الفرن والارز والجمبري والكابوريا علي النار كله بيتعمل في نفس الوقت والاكل ده مش بياخد وقت في السوا كله خلال 10 دقائق هيكون جاهز علي كيسين شيبسي عائلي وفرتي البطاطس والقلية وعملتي احلي عزومة
طب لو السمك بلطي لسة هقف اقلي ؟؟
هقولك اغسلي السمك وهاتي كيس كبير فيه دقيق روارمي كمية السمك كلها في الكيس واربطيه ورجيه هتبقي بدرتي السمك كله
خدي سمكة سمكة ونفضيها من الدقيق الزياده وحضري طاسة كبيرة وواسعة فيها زيت غزير للقي واقلي السمك كلهخ الطاسات الواسعة يتوفر وقت
اثناء قلي السمك تكوني قشرتي الثوم وتحطيه يتحمر في حبة زيت وبعد ما يتحمر تبعديه عن النار وتطي عليه خل وملح وشطةوكمون وشقشاق ماء وترجعيه علي النار ياخد غلوة تتطلعي السمك عليه يغلي غلوة تانية بالسمك تشليه وتحطيعه في طبق وتكبي الصوص ده فوقه وبالف هنا وشفا
