شعرك كيرلي ..مجعد ..مجهد ..ليس بس في كسرة بسيطة ..عليكي وعلي البيبي ليس
انا شعري يعتبر فيه كسرة ..لا مش كسرة عادية دي كسرة كبيرة ما شاء الله ..
المهم اللف والطاقية والسيشوار مكنوش بيجيبوا النتيجة التمام معايا وطبعا مش هينفع اروح للكوافير كل يوم والتاني اعمل شعري فسالت ودورت علي النت ولقيت في بنات كتير بتشكر في البيبي ليس وقررت اشتري واحدة بس اي واحدة فيهم ؟؟ وبكم سعرها ؟؟ طب اجيب منين ؟؟
المهم عرفت ان البيبي ليس في منها ما يبدا من 10 و18 جنيه ولغاية 600و700جنيه...
اتيه الفرق الشاسع ده قلت اسال واسال لغاية ما عرفت ان الرخيصة دي واللي لغاية سعر 100 وشوية جدي مضروبة ومش اصلي وبالتالي عديمة النفع تماما
نزلت علي كارفور اسكندرية وقعدت اشوف النواع لغاية ما البنت المسؤلة جاتلي ودلتني علي مكوتي حبيبتي ربنا يخليهالي هو طبعا نزل بعدها موديلات كتير بس الحمد لله انا راضية بيها ده غير ان معاها ضمان 3 سنين مختوم وبتروحي لو جرا فيها اي حاجة للضمان بتاعها تبع كارفور او في سموحة وبيصلحهالك مجانا المه تتاكده من بلد الصنع بتاعتها ومتكونش صيني ارجوكي متسترخصيش
عايزة اقول لكل فتاة مقبلة علي الزواج انه لا غني عن البيبي ليس في منزلك هتريحك والله كتير وتحللك كل مشاكلك مع شعرك باذن الله.
