اصنعي كوشة في بيتك بنفسك
في كتير مننا بيحب يعمل مناسباته العائلية ذي الخطوبة او قراية الفاتحة او كتب الكتاب في المنزل لانها مناسبات لاتحتاج الي قاعة لبساطتها وقلة معازيمها عشان كده حبيت اعلمكم واديكم افكار بسيطة وسهلة وغير مكلفة لعمل كوشة في بيتك بنفسك
من الاشياء اللي هتحتاجيها مش كلها مع بعض ان هديكي حاجات كتير وانت نسقي بقي انت وذوقك وحسب التصميم اللي تحبيه
مثلا الستان الابيض او الروز .
_كرسي مائل علي جنب واحد او بجنبين هيبان من الصور الجاية وده ممكن تلاقي منه بيجي مع بعض اوض النوم او ممكن تاجيره من مكاتب الفراشة او استبداله بكرسي فوتيه او انتريه او صالون ملائم.
_تل ابيض او روز او لبني حسب ديكور البيت .
_بالونات ابيض وروز وذهبي وفضي بتبقي مخصصة للمناسبات غير بتاعة اعياد الميلاد الملونة اوي دي.
_فروع نور رقيييييييييييييقة مش اللي كلها الوان دي لا الفروع الرفيعوة الرقيقة ويفضل يكون اللي الفرع فيها لون واحد يعني كله ابيض او اززرق او روز وهكذا..
طيب نيجي للخطوات بقي
انت هتخلي الشغل كله علي الخلفية يعني لو الكوشة وراها شباك او بلكونةيبقي البرقع يكون مششخلع (يعني اروح اشتري واحد جديد؟؟ لا طبعا بس لو هو مش مشخلع ضيفي ورا الستار لمبات النيون الجديدة الصغيرة بحيث متبقاش بيانة بس تنور ورا الستارة بيبقي شكلها حلو اوي وخصوا الابيض والروز ورا الستاير البيضاء
ضيفي التل علي شكل وحدات مقسمة بشرايط ستان عليها وردات بسيطة
ضيفي البالونات حسب الاحتياج طبعا وحسب الوان البيت
ممكن تطلبي من بتاع الورد يعملك ذي طوق بحجم كرسي الكوشة من الورد حسب لو فستتان العروسة او حسب البيت والديكور بيبقي شكله تحفة وحطيه وراهم
الكرسي ارمي عليه قطعة من الستان الابيض او اللون اللي حبيه وحطي كام خددية كده او مفع في النص او علي الارض بس يكون شكلهم شيك ويكونوا ماشين مع الديكورات اللي حواليهم
او ممكن تسيبي الكرسي كده لو شكله حلو
بصوااااااااااااااااااا انا هسيبكم مع الصور هتوضح حاجات كتير وممكن تدمجي بقي انت بين الموديلات
