صنفري..فتحي..عطري..رطبي..جسمك بوصفة وخطوة واحدة
كل واحدة مننا نفسها في جسم خالي من الشوائب ناعم مرطب رائحته حلوة لفترة ويلة
طب تعالي اقولك تعملي ايه ..
هاتي علبة فاضية وحطي فيها كمية من زيت الزيتون وعليها كمية من بودرة التلك لمعطرة او الغير معطرة وضعي عليها كريم مرطب لو مفيش يبقي جلسرين لو مفيش يبقي فازلين طبي واخلطيهم وراعي النسب ان يكون الملمس كريمي يعني لو لقيتي الزيت زيادة زودي البودرة وهكذا وضيفي لو البودرة ولا الكريم معطرين كام نقطة من برفانك المفضل ويمكن الاستغناء عن البرفان في حالة ان يكون لبودرة او اللوشن(الكريم المرطب )معطرين .
طيب وبعدين بعد ما تطلعي من حمامك الساخن وتنشفي جسمك جيدا ادهني جسمك بالخلطة دي وشوفي النتيجة بعد اسبوعين باذن الله
علي ان تستخدميها من مرتين لتلاتة في الاسبوع
اولا زيت الزيتون بيساعد علي تقشير البشرة وشدها والبودرة بتساعد علي منع لتعرق المسبب للاسمرار والكريم بيساعد علي الترطيب يبقي صنفرنا وفتحنا وعطرنا ورطبنا ولا لا؟
تعليقات
إرسال تعليق