بسكويت شيك وموفر جدا وسهل وبالصور
ازيكم يا قمرات يارب تكونو بخير انهارده جبتلكم طريقه بسكويت حلوه اوى وموفره شبه السابليه بس اخف كتير وسهل جدا نبدا باسم الله ونقول المقادير 1 كيلو دقيق 1م ك بيكنج بودر 2م ك لبن بودره نص +تمن كوب ميه تلت كوب زيت كوب ونص سكر كوب وربع سمنه روح البرتقال او اى نكهه (اختياري) الطريقه هنضرب السمنة مع السكر كويس بالمضرب ومعاهم الزيت وبعد كده نحط الميه ثم بيكنج بودر ثم اللبن البودره في الاخر نحط الدقيق ونلم بدون عجن وممكن نقسم العجين ونحط على نصها نقطتين روح البرتقال او اى نكهه تحبيها وممكن طبعا منعملش الخطوه دى ودا شكل العجين ونفردها بالنشابه والاحسن يكون على كيس بلاستيك مفتوح من فوق ومن تحت او ورق ذبده عشان متلزقش فالنشابه وعشان مش عاوزه ازود دقيق ونقطعها باى اشكال ونشيلها بالراحه نحطها فصنيه مدهونه زيت خفيف واللى يتبقي نلمه بدون عجن ونريحه شويه ونفرده تانى لحد ما نخلص الكميه ودى مش الكميه كلها كان فيه صنيتين كمان يعنى كانو8 صوانى ما شاء الله وطبعا ندخلها فرن متوسط لحد ماتحمر خفيف من تحت ونولع الشوايه ثوانى تاخد لون خفيف من فوق وطبعا ممكن يتاكل كدا مع الشاى وبيبقي جميل بس