طريقة عمل الكعك للشيف حسن
المشاركات
طريقة عمل الكاب كيك للشيف حسن
السلام عليكم ورحمة الله وبركاته الكاب كيك المقادير هو قال المقادير بالاكواب والجرامات انا هقول الاكواب زي ماكلنا بنعمل 3بيضات 4\3 كوب سكر بودرة 4\3كوب زيت ذرة او سمنة سائحة 4\3كوب دقيق 2\1معلقة صغيرة ملح 2\1معلقة صغيرة فانيليا 2\1معلقة صغيرة بيكنج بودرة التكنيك وطريقة العمل هو ضرب كل حاجة بالمضرب اليدوي اللي هو السلك ماعملشي اي حاجة بالخلاط او العجانة 1- نضرب البيض حبة صغنونة 2-نضيف السكر للبيض ونضرب لغاية مايتجانسوا 3- نضيف الزيت بالراحة اوي اوي هو قال سرسوب بسيط لغاية مايتجانس الخليط 4- نضيف الفانيليا والملح 5- نضيف البيكنج بودرة للدقيق 6- نضيف الدقيق مرة واحدة للبيض والسكر والزيت ونقلب الزيج لغاية التجانس ونضعة في قوالب الكاب كيك مبطنين بورق الكاب كيك اللي هو الزبدة ونملي لغاية ثلاثة ارباع الكوب وندخلة الفرن علي درجة حرارة 180 درجة ولمدة من 18 دقيقة لغاية 20 دقيقة وبالهنا والشفا ملحوظة مهمة لو عايزة الكاب كيك يبقي شكولاتة يبقي ننقص من مقدار الدقيق معلقتين ونص ونزود بدالة الكاكاو ممكن لو عايزين نضيف شكولاة شيبس علي الوجة نضيف او في داخل العجينة
الزلابيه بطريقة الشيف حسن
السلام عليكم ورحمة الله وبركاته المقادير معلقه كبيرة خميرة معلقة صغيرة سكر معلقة صغيرة ملح معلقه كبيرة زيت 40 جرام دقيق 100 جرام ماء دافىء نصف كيلو دقيق 30 جرام نشا كوبيتين ونصف مايه للعجبن زيت للقلى شربات تقيل الطريقه الخميرو والسكر والملح و40 جرام دقيق والزيت وربع كوب المايه الدافىء نقلبهم مع بعض ونسيبهم بتخمروا لمدة ساعه ودى تبقى خميرة الزلابيا وبعدين لما تخمر نجيب الدقيق والنشا والمايه ونعجن ولاذم تكون سايله ولو إحتاجت العجينه إذا كانت يابسه نحطهلها مايه وبعدين نحط العجينه المتخمرة ليها ونسيبها تخمر ساعه كمان وبعدين بعد ما تخمر نقلبها كويس ونسخن الزيت ونحضر معلقه صغيرة وطبق صغير فيه زيت ونمسك العجينه بقبضة إيدينا تطلع من قبضتنا كدا كورة صغيرة بالمعلقه الصغيرة نغمسها فى الزيت ونقطع الكورة ودا عشان العجينه ما تلزقش فى المعلقه ونحطها فى الزيت ونقلبها كويس عشان تحمر من كل ناحيه وبعدين نحطها فى الشربات أو نرش عليها سكر بودرة أسألكم الدعاء بظهر الغيبdiv dir="rtl" style="text-align: right;" trbidi="on">
طريقه المحوجه للشيف حسن
السلام عليكم ورحمه الله وبركاته اخواتي لاحظت ان ناس كتير طلبوا طريقه المحوجه حبيت اكتبها في موضوع منفصل علشان الاخوات تشوفها وبعدين انقلها جوه الملف الخاص للشيف حسن ان شاء الله المحوجه (الشيف حسن) المقادير كيلو دقيق 200 جم سكر (كوب) 200 عسل اسود (كوب ) 50جم سمن سايح(2 ملعقه كبيره) 20 جم بيكنج بودر (1 ملعقه كبيره) 150 حبه البركه(3\4 كوب) 100 جم سمسم متحمص 50% (3\4 كوب) 3\4 كوب محوجه من العطار 200 جم زيت (3\4 كوب) الطريقه اخلط الدقيق مع السكر مع البيكنج بودر والعسل الاسود والسمن +المحوجه البودر ثم السمسم المحمص ادفي الزيت فقط بدون ان اقدحه ثم اضيفه للخليط في صاج ادهن ماده دهنيه مع ورق الزبده اضع عليه الخليط واوزعه في صينيه ثم افردها بالمردنه وارش علي الوجه حبه البركه واثبتها بالمردنه او النشابه مع الضغط ثم تقطع بالقطاعه وتدخل الفرن وبالف هنا مع كوبايه شاي مظبوطه متنسونيش بصالح دعواتكم يا اخواتي بارك الله فيكم اختكم وبحبكم في الله و السلام عليكم ورحمه الله