المشاركات

عرض الرسائل ذات التصنيف التوفيؤ والميزانية

انا والفتافيت

صورة
السلام عليكم ورحمة الله وبركاته  بعد ما كتبنا عن الدهب ..... لقيت فتوكة حلوة كتبه افكار عن التوفير وقالت انها بتاخد العيش المكسور تقطعه  مكعبات وتشيله فى الفريزر للفته   فقررت اكتب تجربتى عن فتافيت الصابون ......... من غير تريقة يافتوكاتى ياصحباتى  من زماان وانا بضايق من فتافيت الصابون اللى بتتبقى من الصابونه ومهما حاولتى تحافظى عليها لازم يكون فى جزء مهدر والموضوع ده كان تاعبنى مش من باب التوفير ..... قد ما هو من باب الحفاظ على نعمة ربنا لاقصى درجة ممكنة  ففكرت اشترى زجاجة هاند ووش او  شاور  جيل يكون حجمها صغير .مثلا 500 مل ويكون شكلها حلو  وبدات استخدمها عادى يعنى زى اى شاور ....... بس كان كل لما يتبقى فتفوتتة صابون اجرررررررررررررررررررى احطها فى الازازة دى وبالتالى بتدوب وتتخلط مع الشاور وتركزه  وبعدين بدات ازود الازازة ماية بالتدريج علشان الصابون يدوب اكتر وكمان علشان الشاور كان بيقل ....... وهكذا ولما الاقيها خفيفة كنت باسيبها فى الحمام واشتغل من الصابون العادى لحد ما ترجع تتركز ...وبس اتمنى يكون موضوعى عجبكم وتذكروا ان النعمة قيدها الشكر ومن شكر النعمة الحفاظ عليها لا تنسونى فى

تعالى اعرفى ازاى الفرخه تقضى 3ايام وهى كيلو ونص

صورة
السلام عليكم ورحمه الله وبركاته  امبارح نزلت عند بتاع الفراخ اشتريت فرخه كيلو ونص المهم مسكتها فى البيت واقعدت افكر  ولقيت الحل قمت مسكاها مقطعاها اربع  تمام تمام وقمت مسكة الصدر شيله منه الرقبه مع  الكبد  والقوانص والجناحات حلو الكلام فضل عندى الوركين والصدرين مسكت الصدور خلتهم وقمت مقطعاهم قعع صغيرة وقطعت بصله وفصين توم وقرفه وفلفل الوان وطماطم  وقمت عملاهم شاورما وبفكر ابيع لجوزى السندوتش ب7ج طيب فضلت هياكل الصدور مسكتها مع الكبد والقوانص والجوانح والرقبه وعملت صنيه بطاطس عسل  الوراك بقا  قلت لازم اظبتها مسكتها سلقتها وعملت شوربه عملت عليها نص ملوخيه والله جوزى بيشربها شرب بالمعلقه كدة  وقمت مسكة  الوراك  مفصصاهم وقطعتهم وعملتهم على كوبايتين روز بالقرفه والتوم ايه رايكم عايزة الموضوع يتقيم عشان انزل افكارى التانيه وكمان عدى معايا كدة كام صنف بالفرخة الكيلو ونص 1-صنيه بطاطس بالهياكل والكبدة والقنصة والرقبه 2-ملوخيه 3-شاورما من الصدر  4-روز بالوراك والكارى والتوم  والقرفه